* உங்களைப் பற்றி ஆபிசில் "கிசுகிசு' எழுவதற்கு, உங்களை அறியாமலேயே, நீங்கள ஏதாவது ஒருவகையில் காரணமாகி விட்டீர்களா என்று சுயபரிசோதனை செய்யுங்கள். எடுத்துக் காட்டாக, நம்மிடம் நன்றாகப் பேசுகிறார்களே என்று, குறிப்பிட்ட சிலநபர்களிடம் மட்டும் நீங்கள் சிரித்துப் பேசிபழகியிருந்தால், அவர்களிடம் மட்டுமின்றி, மற்றவர்களிடமும் அதே போன்று பேசுங்கள்; அல்லது உங்களிடம் அதிகம்பேசுபவர்களைத் தவிருங்கள்.* ஆபிசில் இருக்கும் போது, உங்களது சொந்த மொபைல்போனே என்றாலும், அதிகம்பேசுவதை தவிருங்கள். இதனாலும், உங்கள் பெயர் ரிப்பேர் ஆகலாம்.
* உடன் பணியாற்றுபவர்களில், ஒரு சிலரை அப்பா மாதிரி, அண்ணன் மாதிரி என்று, நீங்கள் நினைத்துக் கொண்டுசகஜமாகப் பழகுவதை, சம்பந்தப்பட்ட நபர்களே கூட, வேறு விதமாகப் பரப்பலாம். எனவே, ஆபிசில் இந்த மாதிரியானஉறவு முறை கொண்டாடுவதை தவிருங்கள்.
* உடன் பணிபுரியும் ஆண்களிடம் பேசுவதில் தவறில்லை; ஆனால், பேசுவதற்கான எல்லையை சரியாக வகுத்துக்கொள்ளுங்கள். உதாரணமாக, உங்கள் குடும்ப விஷயங்களைப் பற்றி அவர்களிடம் கூறாதீர்கள்; அதே போல், அவர்களின் குடும்ப விஷயத்திலும் அக்கறை காட்டாமல் இருப்பது நல்லது. உங்கள் இரக்க சுபாவத்தை தேவையற்றவிதத்தில் பயன்படுத்துவதை அறவே தவிருங்கள். இல்லாவிடில், அது உங்கள் வாழ்க்கைப் பாதையையே மாற்றக் கூடும்என்பதை நினைவில் கொள்ளுங்கள்.
* நீங்கள் பேசும் நபரின் கண்களைப் பார்த்துப் பேசுங்கள். இப்படி கண்களைப் பார்த்து பேசுவதன் மூலம், அவர் உள்ளத்து அசைவுகளை ஸ்கேன் செய்ய முடியும். அதன்மூலம், நீங்கள் பேசும் நபர் நல்லவர்தானா, உங்களைப்பற்றிய அவரது எண்ணம் நல்லது தானா என்பதை அறிய முடியும். அதற்கு ஏற்றவாறு நீங்களும் நடந்து கொள்ளலாம்.
* உடன் பணிபுரியும் ஆண்களால் ஏற்படும், பாலியல் தொடர்பான பிரச்னைகளை முடிந்த வரை நீங்களே சமாளிக்கமுயலுங்கள். பிரச்னை, குறிப்பிட்ட எல்லையை தாண்டும் போது, உயரதிகாரியிடம் புகார் செய்ய தயங்காதீர்கள்.
* ஆபாசமாக பேசுவது, பாட்டு பாடுவது, அருவருக்கத்தக்க அல்லது விரும்பத்தகாத புத்தகம் அல்லது படங்களைகொடுப்பது போன்றவையும் பாலியல் தொந்தரவுகளே. எனவே, இதுகுறித்து கவனமாக இருங்கள். உங்களிடம் இப்படியாராவது நடந்து கொள்வதாக தெரிந்தால், அவர்களிடம் இருந்து எச்சரிக்கையுடன் விலகி இருங்கள்.
* உடன் பணியாற்றும் ஆண்களிடம் கண்களால் பேசாதீர்கள். "எக்குத்தப்பான' அர்த்தமாகிப் போகும். இப்படி எல்லாம்நீங்கள் இருந்தும், உங்கள் பெயர் ரிப்பேரா? டோன்ட் கேர்... டேக் இட் ஈஸி! என்று உங்கள் பணியை தொடருங்கள்.
* இது போன்ற பிரச்னைகள் பெண்களுக்கு மட்டும் தான் என்று நீங்கள் நினைத்தால் அது தவறு. பெண்களின் சில தவறான அணுகுமுறை தான் ஆண்கள் இப்படி நடந்து கொள்வதற்கு காரணம் என்று ஆண்கள் சொல்கின்றனர்.
No comments:
Post a Comment