மைதா கேக்

தேவையானவை :

மைதா மாவு - அரை ஆழாக்கு(200 கிராம்ஸ்)
சீனி - முக்கால் ஆழாக்கு (300 கிராம்ஸ்)
நெய் - 2 கரண்டி

செய்முறை :

ஒரு வாணலியில் நெய்யை விட்டு நன்கு காய்ந்தவுடன் மைதா மாவைக் கொட்டி, கட்டியில்லாமல் கிளறி 2-3 நிமடங்கள் கழித்து தயிர் போன்ற பதம் வந்தவுடன்கீழே இறக்க வேண்டும். சர்க்கரையை ஒரு கரண்டி ஜலம் விட்டு பாகு வைத்துக்கொள்ளவும். கம்பிப் பதத்தில் இறக்கி வைத்து விடவும். அடுப்பில் வைத்து கிளறவேண்டாம். பின்பு கொஞ்சம் கொஞ்சமாக கிளறிவைத்த மாவைச் சேர்க்கவும். பிறகு வில்லைப் போடவும்.

ரவை சீடை

தேவையானவை:

பம்பாய் ரவை (சூஜி) - 1 ஆழாக்கு
உளுத்தம் மாவு - 2 ஸ்பூன்
தேங்காய்த் துருவல் - 2 ஸ்பூன்
பெருங்காயத் தூள் - 1/2 ஸ்பூன்
மிளகு, ஜீரகம் - 1 ஸ்பூன்
உப்பு - 1 ஸ்பூன்
நெய் (அ) வெண்ணை - 1 ஸ்பூன்

செய்முறை:

வாணலியை அடுப்பில் காயவைத்து, நன்கு காய்ந்தவுடன் எண்ணெய் எதுவும் விடாமல், ரவையைப் போட்டுப் பொன்னிறமாக வறுத்து ஒரு தட்டில் போட்டு ஆற வைக்கவும். ஆறிய பிறகு ரவையுடன் உளுத்தம் மாவு, மிளகு, ஜீரகப் பொடி, உப்பு, தேங்காய்த் துருவல், நெய் (அ ) வெண்ணை சேருது சிறிது ஜலம்விட்டு கெட்டியாகப் பிசைந்து சிறிது சிறிதாக உருட்டி எண்ணெயில் போட்டுப்
பொன்னிறமாக ஆனதும் எடுக்கவும். இதே போன்று மிட மாவிலும் இதே அளவு சாமான்களைக் கொண்டு சீடை செய்யலாம்.

ஈஸி தேங்காய் பர்ப்பி

தேவையானப் பொருட்கள்:

கொப்பரைத் துருவல் - 2 கப்
பால் பவுடர் - 1 கப்
ஏலக்காய்த் தூள் -1/2 டீஸ்பூன்
கண்டன்ஸ்டு மில்க் - 1/4 கப்
ஐசிங் சுகர் - சிறிதளவு

செய்முறை:
கொப்பரைத் துருவல், பால் பவுடர், ஏலக்காய்த் தூள் மூன்றையும் நன்கு கலந்துகண்டன்ஸ்டு மில்க் விட்டு கெட்டியாகப் பிசையவும்(பூரி மாவு பதத்திற்கு). இதைநெய் தடவிய தட்டில் சமப்படுத்தி, மேலே ஐசிங் சுகரைத் தூவவும். 20 நிமிடம் கழித்து நன்றாக செட் ஆனதும் தூண்டுகள் போட்டுப் பரிமாறவும்.